Maxamed Xuseen Qaadi, guddoomiyaha dowlad goboleedka Jubaland ee looga magacaabay Gobolka Gedo, ayaa uga digay Guddiga Doorashooyinka inaysan qaadi karin wax dhaqdhaqaaqyo la xiriira doorashooyin, wuxuuna ku taliyay in tallaabo kasta oo lagu qabto doorasho aan loo sameyn ilaa laga helin ogolaanshaha wadajirka ah ee u dhexeeya Dowlad Goboleedka Jubaland iyo Dowladda Dhexe.
“Guud ahaan gobolka Gedo wax doorasho ku sheeg ah kama dhaceyso,” ayuu yiri guddoomiyaha, isagoo ugu digay xubnaha Guddiga Doorashooyinka in tallaabada noocan ah ay sabab u tahay cawaaqib xun oo ay la kulmi doonaan, haddii ay isku dayaan inay kicineen dhaqdhaqaaqyo doorasho oo aan wada ogolaan.
Dhinaca kale, Guddiga Doorashooyinka ayaa waqti hore sheegay in ay qorsheeyeen in ay ka qabtaan doorasho qof iyo cod ah meelo ka mid ah Gobolka Gedo. Inkastoo arrintaas oo ay mudan tahay in si wadajir ah looga shaqeeyo, dowladaha Federaalka iyo Jubaland wali waxay ku jirayaan muran siyaasadeed oo ku saabsan nidaamka doorashooyinka dalka iyo wax ka beddelka lagu sameeyay dastuurka, taasoo inta badan keentay isfaham la’aan dhinacyada kala duwan.
Guddoomiyaha Qaadi ayaa muujiyay sida ay muhiimka u tahay in la helo wada-shaqeyn dhab ah si doorashooyinka loogu qaban karo siyaasad deggan oo waafaqsan shuruucda dalka, isla markaana aan la abuurin khilaafyo siyaasadeed oo dheeraad ah oo carqaladeyn kara geeddi-socodka dimuqraadiyada dalka.
