Hiiraan – Ciidamada Qaranka Soomaaliyeed oo garabsanaya kuwa xaq u dirirka dadka deegaanka ee Gobolka Hiiraan ayaa maanta howlgal ballaaran ka fuliyay dhulka howdka ah ee u dhexeeya deegaanada Mabaax iyo Ceelhareeri, halkaas oo dagaal culus ay saakay ku jebiyeen kooxda Khawaarijta.
Saraakiisha hoggaaminaysa howlgalka ayaa u sheegay Warbaahinta Qaranka in ciidamada huwanta ay dileen tiro ka mid ah Khawaarijta oo qorsheynayay in qaraxyo la beegsadaan shacabka iyo ciidamada, iyagoo xusay in lagu guuleystay burburinta kooxihii Khawaarijta ee deegaankaas ku dhuumaaleysanayay.
“Howlgalka wali wuu socdaa, Khawaarijta si buuxda ayaan u jabinay, waxaana ku raad joognaa firxadkooda,” ayay yiraahdeen saraakiisha.
Ciidamada Qaranka iyo kuwa deegaanka ayaa kordhiyay dhaq-dhaqaaqyada milatari ee lagula dagaallamayo Khawaarijta, si loo xaqiijiyo ammaanka deegaannada Hiiraan iyo in shacabka laga dulqaado culeyska argagixisada.
wixii ka so kordha wararka howlgalka kala soco Wargeyska.net
